طبعا الكل عايز يعرف الايرادات
انا وصلتنى ارقام شبه اكيده وحطو تحت اكيده دى مليون خط
لان مفيش حد يعرف الاكيد غير الناس المسؤله عن التوزيع ومبيقولوش الاكيد اوى
ممكن جدا تلاقيهم بيقللو عشان الضرايب
انما المطربين نفسهم بيزودوا عشان الشهره
على ايه حال
الكلام كان كالتالى
ان مفيش ولا مطرب السنه دى من روتانا مبيعاته وصلت فى مصر مليون شريط وان الملاين دى كانت زمان
ده اللى اتقالى
وعلى فكره من اكتر من مصدر
واتقالى ان فؤاد باع فى اول كام يوم 300 الف شريط كاست وانو متوقع انو يوصل ل 900 الف خلال اسبوع او اتنين
الاهم من ده
ان فؤاد اول مطرب يحقق اعلى نسبه مبيعات فى السى دى لروتانا
وبلغت 200 الف نسخه سى دى فى اقل من اسبوع وده كان واضح جدا وكان بسبب تقليل تمن السى دى ل 20 جنيه
بس اثر بالسلب ولو جزئيا على توزيع الشريط فى اول كام يوم بس بعد كده المبيعات زادت
نفس المصدر بيقول ان الالبوم عليه طلب جامد وفيه بعض البلاد مفيهاش اصلا وان روتانا بتسارع فى الطبع نظرا للاقبال الشديد
الكلام ده كان فى مصر
نيجى بقى للبنان
تخيلوا ان فؤاد محقق نسبه مبيعات فى دوله صغيره زى لبنان اكتر من مطربين مصريين كبار نزلو فى الصيف فى مصر
فؤاد عامل حوالى 40الف نسخه كاست وزيهم سى دى ودى كبيره جدا واكبر من وائل كافورى اللبنانى
بالنسبه لدول المغرب العربى معرفش تفاصيل اوى بس اعرف انو شغال جامد
انما دول الخليج فهنلاقى ان الامارات والكويت شغال فيهم جامد جدا جدا
قبل ما انسى
محدش يسمع كلام حد
لان جزئيه الايرادات دى تخريف فى تخريف واللى يقولك ميجا ستورز ومش ميجا ستورز
والشريط عامل 7 مليون نسخه
لفظ مليون ده معدش بيحصل يا جماعه
26/10/2007, 1:17 am
